طريقة الرقاق هى نفس طريقة العيش التورتيلا بس حنعمل تغييرات بسيطة فى السوا
هذا المقدار يكفى لعمل 6 ورقات رقاق
المقادير:
1 cup دقيق ذرة ناعم
½ cup دقيق الارز اللصق
½ cup دقيق تابيوكا و نشا بطاطس بالتساوى
2 م ص صمغ الزانثان
2 م ص بيكنج باودر
2 م ص زيت ( اى نوع )
½ م ص ملح
½ 1 cup لبن حليب ساخن (ما يعادل 360 مل تقريبا)
كمية من دقيق الذرة الناعم لفرد العجين
الطريقة:
ينخل الدقيق مع الملح و البيكنج باودر و صمغ الزانثان
تضاف ملعقتين الزيت و يقلب الخليط بملعقة خشب جيدا
يضاف اللبن الساخن و يقلب جيدا بالملعق حتى يتجانس كل الخليط
يغطى و يترك لمدة 15 دقيقة
تقسم الى 6 كور
تدحرج كل كورة فى دقيق الذرة
يرش دقيق ذرة على الرخامة و توضع كورة العجين و ترش بالدقيق
تفرد بالنشابة (او المردانة) حتى تكون رقيقة جدا
يوضع صاج فى فرن حامى جدا
يوضع الرقاق فى الصاج الساخن فى قاعدة الفرن بحيث تكون النار حامية
يلاحظ الرقاق لان ممكن يحترق و بمجرد ان يحمر منتحت يقلب على الناحية الاخرى حتى يحمر
بمجرد خروجه من الفرن يترك مكشوفا ( متهوى) حتى يجف
يستعمل الرقاق مثل الرقاق العادى بالضبط
ملحوظة: اذا الرقاق منشفش كويس و كان طرى شوية استعمليه عادى و برضة نتيجته حتبقى هايلة و اسألوا مجرب
و بالهنا و الشفا
جزاكي الله كل خير لكن لو ممكن تقوليلي من اين اشتري دقيق الارز اللصق والزنتان و دقيق التبيوكا
ردحذفو اياكم هو حضرتك عايزة تعرفى اماكن البيع فى مصر؟
حذف