يتميز هذا النوع من الفراخ البانيه انه اخف من الفراخ البانيه المقلية فى زيت غزير
لحبايبى اللى عندهم حساسية من اللبن ممكن نستبدل الزبادى بماء بصل وواحد بيضة صغيرة مضروبة جيدا
المقادير:
ا كيلو صدور فراخ مخلية و مقطعة شرائح متوسطة
1 علبة زبادى
عصير ليمونة كبيرة
½ م ص فلفل اسود
ا م ص ملح
½ م ص زعتر ناعم
1 م ص مسطردة ( لو عندكم نوع خالى من الجلوتين)
½ - 1 كوب زيت عباد شمس ( بمعدل ½ كوب لكل صينية تقريبا )
خلطة البانيه: ( ممكن اضاعف الكمية بنفس النسب)
ا كوب دقيق ذرة ناعم
½ م ص كركم
¼ م ص قرفة ناعمة
¼ كوب كورن فليكس ( النوع المسموح الخالى من الجلوتين و العادى طبعا )
طريقة خلطة البانيه:
يدق الكورن فليكس جيدا
يضاف الكورن فليكس و التوابل على الدقيق و تقلب جيدا
خلطة البانيه اصبحت جاهزة للاستعمال
طريقة الفراخ :
تغسل الفراخ جيدا و تصفى ( و ممكن ننقعها فى شوية ماء و خل 10 دقائق وبعدين نشطفها)
يضاف الزبادى و عصير الليمون و التوابل و المسطردة اذا توفرت على الفراخ و تقلب جيدا
تغطى و توضع فى الثلاجة لمدة ساعة ( و ممكن نستعملها مباشرة لو مستعجلين )
توضع الفراخ ( قطعة قطعة طبعا ) على خلطة البانيه و تقلبعلى الجهتين مع الضغط عليها جيدا حتى تتماسك مع الخلطة
يوضع نصف كمية الزيت فى صينية و ترص فوقها الفراخ بس تكون طبقة واحدة و يوضع رشة زيت على سطح الفراخ
توضع فى فرن متوسط الحرارة سابق التسخين لمدة 20 - 30 دقيقة تقريبا او حتى تحمرمع مراعاة تقليبها كل 10 دقائق حتى تحمر من الجهتين
بعد ان تخرج من الفرن توضع على فوط مطبخ للتخلص من الزيت الزيادة ثم تقدم و هى ساخنة
و بالهنا و الشفا
تعليقات
إرسال تعليق